PWA mobile-development backend frontend

PWA vs. Native Mobile Applications

كلنا عارفين انه في عالم التطبيقات في Web Apps وفي Mobile Apps ، بس في Web Apps عاملة نفسهاMobile Apps وهي دي ال PWA فلو بتفكر تطوّر تطبيق للمستخدمين، فيه سؤال بيظهر دايمًا: تبني PWA ولا Native App؟ كل اختيار ليه مميزاته وتحدياته، وقرارك بيعتمد على تجربة المستخدم اللي عايز تقدمها، والموارد اللي عندك.

تم التحديث في 2024-01-21
تعديل على GitHub
Progressive Web Application vs. Native Mobile Applications

كلنا عارفين انه في عالم التطبيقات في Web Apps وفي Mobile Apps ، بس في Web Apps عاملة نفسها Mobile Apps وهي دي ال PWA 

فورقة وقلم وتعالوا نشوف حكايتها ايه ال PWA دي وتتخلف ازاي عن ال Native Mobile Apps وازاي نستفاد منها 

حكاية الـ Progressive Web Apps

💡الـ Progressive Web Apps هي مواقع “Web Applications” عادية بنضيف عليها تعديلات بسيطة جدًا عشان تكون متناسبة انها تشتغل علي الموبايل وتتحط على الـ Home Screen زي تطبيق الموبايل العادي وتدي تجربة شبيهة جدًا ليه. 

ودي مع انها فكرة بسيطة لكنها ذكية جدًا لعدة أسباب:

  • تجربة مستخدم شبيهة بال Native Application بدون تكلفة تطوير تطبيق الموبايل اللي غالبًا بتكون عالية جدًا في الوقت والمجهود والتكلفة المادية.
  • ال PWA بتشتغل علي ال Browser لأنها موقع ويب بالأساس فبتكلف مساحة تخزين أصغر من الـ Native Applications 
  • التطبيقات دي بتدعم ال Responsiveness وبالتالي حجمها يتناسب مع اختلاف شاشة العرض بسهولة.
  • مجددًا هي موقع ويب وبالتالي مش محتاجة تنزل الـ App Store ودي مفيد لسببين:
    •   ال App Store بيفرض رسوم على المطورين عشان يعرضوا تطبيقاتهم عليه, الرسوم اللي ممكن تكون كبيرة جدًا في بعض الاحيان زي حالة Apple App Store 
    • ال App Store بيحجّم ظهور وانتشار ال App Store بعكس المواقع اللي نسبة ظهورها أعلي كونها متوفرة وظاهرة على كل محركات البحث 

لكن بما أن الحلو مبيكملش فال Native Apps ليها مميزات غير متوفرة في ال PWA:

  • مقدرة استخدام الـ Mobile Hardware زي الكاميرا وال Sensors المختلفة لأن ال Native App بيتعامل مع ال Mobile Operating System مباشرة ولكن ال PWA عايشة جوا المتصفح و محدودة بصلاحيات المتصفح ودا هيأثر أو يحد من تجربة المستخدم
  • ال Native Apps بتدي ثقة للعميل وارتباط وتجربة مستخدم أعمق.

ال PWA خيار رائع ناس كتير بتغفل عنه في تحويل تطبيقات الويب لتطبيقات متناسبة مع الموبايل وبالأخص في التطبيقات اللي مش بتحتاج تتعامل مع الـ Mobile Hardware وبكدا تكون وفرت مجهود وتكلفة تطوير تطبيق الموبايل.


هل تحويل الموقع ل PWA بيحتاج مجهود كبير؟

  • في الواقع لا انت تقدر تحوله ب ٣ أو ٤ خطوات بسيطة زي انك تضيف ملف Manifest.json اللي فيه Metadata عن الموقع و كذلك Icon عشان تظهر علي ال Mobile Home Screen و تضيف Service Worker عشان تدعم خاصية التصفح في الوضع ال Offline وبتحسن أداء الموقع ككل ومبروك بقي معاك PWA للموقع بتاعك.

ازاي اعرف الموقع بيدعم ال PWA أو لا ؟

من ال Inspect Tool في Chrome Browsers تقدر تستخدم ال Lighthouse Tool واللي بتحلل الموقع وبتظهر لك هل بيدعم ال PWA ويستوفي الشروط اللي فوق دي أو لاء


مواضيع ذات صلة
Technologies & Frameworks

اشترك في النشرة البريدية

احصل على أحدث المحتوى والأخبار مباشرة في بريدك الإلكتروني

🔒 نحترم خصوصيتك. لن نشارك بريدك الإلكتروني مع أي طرف ثالث.