الـ Package manager هو مساعد المبرمج المخلص في كل مشاريعه، فلو شغال Frontend هتلاقيك بتستخدم npm ولو شغال Backend فلكل لغة package manager بردو زي composer في PHP ولو شغال مع الذكاء الاصطناعي أو هندسة البيانات أو لغة python عامة فهتلاقيك بتستخدم pip
فخلونا نسأل سؤال وجودي ونقول ايه هي ال package ؟
ال package - الحزمة البرمجية - مصطلح عام بيشير لقطعة من الكود أو برنامج ممكن يكون كبير بحجم framework أو library زي Angular or React بستفيد منها في مهام متعددة وممكن يكون بيعمل مهمة واحدة بسيطة أنا محتاجها زي ال Date format مثلاً.
💡الشاهد إنه برنامج جاهز بستفيد بيه بدل ما نعيد اختراع العجلة واستخدامها بيسرع عملية تطوير التطبيقات المختلفة.
طيب ليه استخدم package manager ؟
ما ممكن أنزلهم بنفسي وخلاص زي البرامج العادية
في الواقع لو عملت كدا هتقابلك مشاكل كتير زي:
- Installation : تنزيل الـ packages مش زي بعضها, وكتير منها بيحتاج configuration معينة عشان تشتغل على الـ OS System بتاعك, فال package manager بيقولك متشغلش بالك بحوارات ال
OSدي وقولي أنت عاوز تنزل برامج إيه وانا هنزلها من Repository معين من الانترنت وهعملها Configuration على نظام التشغيل بتاعك - Dependency Resolution: عدد ال packages اللي بتحتاجها غالبًا بيكون كبير وإدارة كل واحدة على حدة مهمة رخمة ومكلفة في الوقت, فتخيل محتاج تنزل أو تعمل
updateل 50 برنامج مثلاً عشان تطبيقك يشتغل!! - Configuration Management and Uninstallation وضع الـ packages دي في المكان المناسب في نظام التشغيل وكذلك مسحها أو تحديثها
فال package manager بيحل كل المشاكل دي بسهولة وبيسرع شغلك بل وبيقدم لك مميزات تانية زي:
- User Permissions: فيسمح لمستخدمين محددين بتنزيل وتعديل ال packages
- Digital Signatures: يتأكد من كون ال package دي من مصدر مأمون ومفيهاش أي malicious code
- Package Version Management: يحرص على استخدام النسخ المناسبة من ال dependencies لتشغيل البرنامج
فكرة ال Package manager أثبتت إنتاجيتها ومع الوقت المبرمجين أضافوا ميزات تكميلية ليها عشان تحسن تجربة تطوير البرامج. فلو خدنا npm الشهيرة هنلاقي انهم كمان عملوا Package Registry اسمه npmjs وهو مكان واحد موثوق عشان كل ال Developers يقدروا يلاقوا وينشروا ال packages المختلفة.
ال Package Registry هي المخزن أو ال Repository اللي بنزل منها ال Package لكن مزودة بواجهة احسن ومميزات إضافية.
من التفاصيل اللي مفيد نكون ملمين بها في طريقة عمل الـ Package manager إنه يقدر ينزل ال package على مستوى:
- Locally فتكون متاحة في ال repository اللي شغال فيه فقط
- Globally وتقدر تستخدمها في أي مكان في نظام التشغيل بتاعك
💡طبعًا يفضل تنزل ال package علي مستوي ال repository أو المجلد اللي فيه تطبيقك بس, ليه؟ لأن ممكن اطور أكثر من تطبيق على الجهاز ومن نفس ال package احتاج نسخ مختلفة.