كثيرًا ما نسمع عن ال Observability ولكن ما هي حقًا ، وما هي أهدافها وإزاي نستغلها لتوصيف وحل أي مشكلة في أي نظام؟!
ورقة وقلم وخلونا نبدأ بقصة طبية بسيطة تفهمنا كل حاجة عن الموضوع دا قبل ما ندخل في الكلام عنه.
توصيف الـ Observability في الحياة العملية
الإنسان لما بيتعب بيروح للطبيب اللي بدوره بيعمل عدة خطوات تساعده في تقييم الحالة وإيجاد العلاج المناسب:
- بيقوم بأخذ مؤشرات الشخص الحيوية
- بيسأل الشخص بعض الأسئلة عشان يقدر يوصف الأعراض
- وبيقوم بعمل أشعة على الجسم لتحديد مكان الألم
جسم الإنسان عبارة عن نظام متكامل ولكن هو كذلك عبارة عن أجهزة مختلفة بتتعاون مع بعض زي الجهاز الهضمي والتنفسي وإلخ… والخطوات دي بتساعد الطبيب يعرف مصدر الشكوى ويحدد لها علاج مناسب وأساليب وقائية لمنع تكرارها.
أي Software في الدنيا زي الجسم بالظبط ، بيبقي نظام متكامل يتكون من عدة أنظمة أصغر.
هدف ال Observability الأساسي هو تحويل النظام من Blackbox إلى Glass Box.
أهم عناصر المراقبة (Pillars of Observability)
ولازم المبرمج يقوم بنفس خطوات التشخيص اللي قام بيها الطبيب عشان يحل أي مشكلة بتطرأ علي هذا النظام
Metrics
فالمؤشرات الحيوية عندنا عبارة عن ال Metrics :وهي مؤشرات رقمية تعطينا معلومات سريعة عن حالة النظام مثل ال CPU and Memory Usage, Transaction per second إلخ..
Logs
خلاص عرفنا إن فيه مشكلة ، بس هي إيه؟ هنا يجي دور ال Logs لتوصيف الأعراض
Traces
عرفنا إن فيه مشكلة وعرفنا ماهيتها ولكن مش عارفين مكانها! هنا يجي دور الـ Traces وهي Entries بتتبع مسار البيانات في النظام